韓國食鷄文化食雞都有好多味揀！首爾雞料理

撰文/攝影：潘小熊

雖然韓牛問鼎首爾肉料理的榜首，但貴價韓牛卻非韓國人日常美食。相對牛，雞肉料理在韓國更常見，由炸雞、到一隻雞、甚至燉雞等，韓國人「做雞」同樣有多種方法！千變萬化的雞肉料理，讓首爾出現一間又一間食雞名店。在地人排隊燉雞名店「大炮燉雞」，芝士嫩雞口感相輔相乘，最誇張平日晚上 8 點就完賣閂門；一開門即現人龍的「松雞屋」數年內在首爾擴展多間分店，讓食客以炭火慢烤吃盡雞肉每個部位，連演員宋江也是常客！

燉雞芝味十足大炮燉雞

雲朵燉雞配大魷魚 ₩36,900 芝士覆蓋燉雞表面，幾乎每一口都食到香濃 Mozzarella 芝士，加上巨大炸魷魚，口感一流！.JPG — 雲朵燉雞配大魷魚₩36,900。芝士覆蓋燉雞表面，幾乎每一口都食到香濃 Mozzarella 芝士，加上巨大炸魷魚，口感一流。

「拉芝」多年來均是韓國人心目中的最強搭配美食，幾乎只要加上芝士，人氣立即倍升！位於美食集中地新村的「大炮燉雞」，隱藏在某幢不顯眼大樓的 3 樓，卻烹調出人吃人愛「雲朵燉雞」！芝士成為雲朵，將雞肉完全覆蓋，只剩下一顆雕成小雞的鵪鶉蛋在芝士雲朵之上，每一口的雞肉被 Mozzarella 芝士包裹，芝味濃郁十足，燉雞熬得軟腍，無骨雞肉入口與芝士一同溶化；醬油味燉雞「可辣可唔辣」，在鹹甜之中滲透辣勁，底層冬粉、薯仔最是入味，愈食愈是過癮。芝士燉雞未夠飽肚？全店白飯、配菜任裝，或者加配一隻巨型炸魷魚，口感極是豐富，難怪在眾多新村美食中仍能跑出！

大炮燉雞

地址：首爾西大門區延世路 27-1 大成大廈 3 樓（서울서대문구 연세로 27-1 대성빌딩 3층）

營業時間：11am - 10pm（Last Order 8:40pm）

交通：地鐵二號線「新村」站 2 號出口，步行約 3 分鐘

炭烤雞肉大全松雞屋

烤雞拼盤（大） ₩44,000 兩個人進餐都可以點大份量拼盤，一共有 6 款雞部位提供，但未必每次一樣，視乎店家當日貨源。.JPG — 烤雞拼盤（大）₩44,000。兩個人進餐都可以點大拼盤，有 6 款雞部位，但未必每次一樣，視乎店家當日貨源。

只賣炭火烤雞肉，都能夠在首爾開多間分店，遍布江南、聖水、弘大等熱點，幾乎所有分店都在開門前已出現人龍，不足半小時已經有多達 50 人在候位，人氣爆燈，曾經登上綜藝節目《排隊的食堂》，連演員宋江都要乖乖排隊入座用餐！「松雞屋」的餐牌選貴精不貴多，主打雞肉特殊部位，想零煩惱直接點餐，烤雞拼盤可按分量點選「中」、「大」兩者，或者講究一點，專攻最愛部位亦得！食材每日新鮮運到各分店，再以炭爐烤至金黃色，親切店員會細心講究每個雞肉部位的特點、適合醬料，不時為每枱客人翻轉雞肉，確保以最佳狀態讓食客品嘗！雞子、雞腎、雞心等特別部位不時出現在餐牌之上，雞肉熨上炭爐格紋，風味十足，單食雞肉太單調，多點一客松雞屋辣拌麵，層次多元，飽肚之選。推介再點一罐松雞屋特製手工啤，清爽口感、解膩一流，與烤雞格外合拍。