湯澤石打丸：75年歷史新舊設施互相輝影

越後湯澤 交通超方便

交通超級方便，由東京乘搭越新幹線到越後湯澤站，只是70分鐘車程，跟住直接坐車場接駁巴士，10分鐘就到滑雪場。自駕就更加開心，行關越道湯澤IC出口，3分鐘就到，雪場仲有超闊落的免費車位。香港或台灣旅客，飛機降落成田或羽田機場即刻轉新幹線，一日來回，夠晒快！

滑雪場有18部纜車，最新的Sunrise Express，混合咗chairlift同gondola於同一條纜車線。chairlift有蓋，不怕凍襯，最多可坐6人；gondola則可同時坐10人，又穩又舒服，這樣的設計日本好少見。最正是中央口山頂展望雪道，滑雪時望住魚沼平原加越後山脈，風景靚到呢！夜晚8點前還可以夜滑，每逢周五、周六有特別的「日出纜車」夜場，打燈的粉雪好似星河咁，靚到唔捨得走。

至於Resort Center，服務真係超貼心。租滑雪裝備有Salomon等國際品牌，換板都免費。Locker、更衣室、連Dyson風筒都有，多語言賣飛櫃台，乜都照顧到。肚餓就去美食街，廿間食肆任你揀，拉麵、牛丼、crepe、咖啡通通有齊。還有Glamping同Dome Tent專區，唔滑都可以是圓頂帳篷度Chill住飲咖啡，睇雪山，影相呃like一流！

玩到攰？附近有溫泉鎮，隨時落場浸返個靚湯，雙腿即刻鬆晒～如果你係玩單板或者想挑戰自己，Snow Park有不同地形公園、跳台、半管、BOX同RAIL，新手高手都唔會悶。

想影靚相沖人氣？The Veranda透明圓頂帳篷是近年的打卡熱點。帳篷座落於滑雪場半山腰的觀景台區域，不單只有壯觀的雪景，更提供舒適又與大自然融合的私人空間，非常適合情侶、朋友、親子旅客享受雪景、品茗下午茶或拍照打卡，真是勁Chill。但帳篷需要網上預訂，每次限時60分鐘。可先於觀景台咖啡廳點選甜品及飲料，帶到帳篷入面享用，營業時間為10:20至16:00。不滑雪，都可以搭乘纜車到達。

另外，可以買三山互通券，一次過玩晒Gala湯沢、湯沢高原及石打丸山，一連玩幾日都不怕悶。