仙台 : 藏王黑帽子滑雪場

藏王山附近有好多Airbnb可以租住，設備齊全。小編今次入住蔵王町遠刈田嘅「藏王山水苑」，屋內有兩間睡房、一個偏廳同居客廳，浴室仲有天然溫泉，門外又可以泊車，真係方便！未正式入雪季時，預訂價格只係港幣700一晚，真係抵到爆！由山腳開車去黑帽子滑雪場只需廿多分鐘。 黑帽子度假村滑雪場設有10條唔同滑雪路線，總長4.3公里。雪道由BB級到高級都有，場內更設有裝備租用服務，兩手空空都可以去滑雪。 雪道以非壓雪構成，盡享日本聞名嘅粉雪，無論你係高手、初學者，或者一家大小都可以盡情享受滑雪樂趣。平日成人全日票5500日圓，小童2500日圓，超值！